கரூர் கலைஞர் அறிவாலயத்தில், மாண்புமிகு V.செந்தில்பாலாஜி அவர்கள் தலைமையில் கரூர் மாவட்ட செயல்வீரர்கள் கூட்டம்: கிழக்கு, மேற்கு மாவட்டங்களாக பிரித்தமைக்கு நன்றி – முக்கிய தீர்மானங்கள் நிறைவேற்றம்

திராவிட நாயகர், மாண்புமிகு தமிழ்நாடு முன்னாள் முதலமைச்சர் தளபதி திரு.மு.க.ஸ்டாலின் அவர்களின் நல்லாசிகளுடன், கரூர் கலைஞர் அறிவாலயத்தில், மாண்புமிகு V.செந்தில்பாலாஜி அவர்கள் தலைமையில் கரூர் மாவட்டக் கழக செயல்வீரர்கள் கூட்டம் சிறப்பாக நடைபெற்றது.

இக்கூட்டத்தில், கரூர் மாவட்டக் கழகத்தை நிர்வாக வசதிக்காக கிழக்கு மற்றும் மேற்கு மாவட்டக் கழகங்களாகப் பிரித்து அறிவித்த கழகத் தலைவர் தளபதி மு.க.ஸ்டாலின் அவர்களுக்கு நன்றி தெரிவிக்கப்பட்டது. தொடர்ந்து, கழகத்தின் அமைப்பு, மக்கள் நலன் மற்றும் கரூர் மாவட்ட வளர்ச்சி தொடர்பாக பல்வேறு முக்கிய தீர்மானங்கள் நிறைவேற்றப்பட்டன.

கழக அமைப்புகளை மறுசீரமைக்க தீர்மானம்

பகுதி, நகரம், ஒன்றியம், பேரூர், வார்டு மற்றும் கிளைக் கழகங்களை வயது வரம்பின் அடிப்படையில் மறுசீரமைத்து, கழகப் பணிகளை மேலும் வலுப்படுத்துவது என தீர்மானிக்கப்பட்டது. புதிய தலைமுறையினருக்கு உரிய வாய்ப்புகளை வழங்கி, அடித்தள அளவில் கழக அமைப்புகளை வலுப்படுத்தும் வகையில் செயல்படுவது குறித்தும் கூட்டத்தில் வலியுறுத்தப்பட்டது.

த.வெ.க. அரசுக்கு கண்டனம்

மக்கள் நலத் திட்டங்களை முடக்கி, தமிழகத்தின் வளர்ச்சிப் பணிகளுக்கு தடையாக செயல்படுவதாகக் கூறி த.வெ.க. அரசுக்கு கண்டனம் தெரிவித்து தீர்மானம் நிறைவேற்றப்பட்டது.

மேலும், அரிசி, பருப்பு, சர்க்கரை, காய்கறிகள் உள்ளிட்ட அத்தியாவசியப் பொருட்களின் விலையேற்றத்தைக் கட்டுப்படுத்தத் தவறியதாக அரசுக்கு கண்டனம் தெரிவிக்கப்பட்டது.

சட்டம்–ஒழுங்கு குறித்து கண்டனம்

பாலியல் வன்கொடுமை, கொலை, போதைப்பொருள் கடத்தல் உள்ளிட்ட குற்றச்சம்பவங்களைத் தடுக்கத் தவறியதாக அரசை கண்டித்து தீர்மானம் நிறைவேற்றப்பட்டது. பொதுமக்களின் பாதுகாப்பை உறுதி செய்யும் வகையில் சட்டம்–ஒழுங்கு நடவடிக்கைகளை அரசு தீவிரப்படுத்த வேண்டும் என வலியுறுத்தப்பட்டது.

மின்வெட்டு மற்றும் மின் கட்டண விவகாரம்

கரூர் உள்ளிட்ட பகுதிகளில் நிலவும் தொடர் மின்வெட்டு, மின் கணக்கீட்டில் ஏற்படும் குளறுபடிகள் மற்றும் மின் கட்டண உயர்வு ஆகியவற்றைக் கண்டித்து மற்றொரு தீர்மானம் நிறைவேற்றப்பட்டது. பொதுமக்கள் மற்றும் வணிகர்களின் நலனை கருத்தில் கொண்டு மின்சாரத் துறையில் நிலவும் பிரச்சினைகளுக்கு உரிய தீர்வு காண வேண்டும் என வலியுறுத்தப்பட்டது.

கரூர் வளர்ச்சித் திட்டங்கள் ரத்து: கண்டனம்

கரூர் மாவட்டத்தின் வளர்ச்சிக்கு முக்கியத்துவம் வாய்ந்ததாகக் குறிப்பிடப்படும் பல்வேறு திட்டங்களுக்கான ஒப்பந்தங்கள் ரத்து செய்யப்பட்டதற்கும் கூட்டத்தில் கடும் கண்டனம் தெரிவிக்கப்பட்டது.குறிப்பாக,

₹485.38 கோடி மதிப்பிலான பாதாள சாக்கடைத் திட்டம்,₹245.07 கோடி மதிப்பிலான குடிநீர்த் திட்டம்,₹38.50 கோடி மதிப்பிலான IT பார்க் திட்டம்,₹10 கோடி மதிப்பிலான சாலை விரிவாக்கத் திட்டம்ஆகியவற்றின் ஒப்பந்தங்கள் ரத்து செய்யப்பட்டதற்கு கண்டனம் தெரிவிக்கப்பட்டது. கரூர் மாவட்டத்தின் அடிப்படை கட்டமைப்பு மற்றும் தொழில் வளர்ச்சியை கருத்தில் கொண்டு இத்திட்டங்களை மீண்டும் முன்னெடுக்க நடவடிக்கை எடுக்க வேண்டும் என்றும் வலியுறுத்தப்பட்டது.

மாண்புமிகு கழகத் தலைவர் தளபதி மு.க.ஸ்டாலின் அவர்களின் வழிகாட்டுதலின்படி, கரூர் மாவட்டத்தில் கழக அமைப்புகளை மேலும் வலுப்படுத்தி, மக்கள் பிரச்சினைகளை முன்னெடுத்து, மக்கள் நலனுக்காக தொடர்ந்து களப்பணியாற்ற வேண்டும் என கூட்டத்தில் உறுதியேற்கப்பட்டது.