கரூர் சட்டமன்ற தொகுதி வெற்றி வேட்பாளர் ஆசி. எம். தியாகராஜன் அவர்களை ஆதரித்து, ஆண்டாங்கோவில் பகுதியில் உதயசூரியன் சின்னத்திற்கு, மாண்புமிகு V.செந்தில்பாலாஜி அவர்கள் தேர்தல் பரப்புரை மேற்கொண்டார்

பெண்கள் தொழில் முனைவோராக முன்னேறிடும் வகையில் பிணை எதுவுமின்றி ரூ.5 இலட்சம் வரை மானியத்துடன் வங்கிக் கடனுதவி வழங்கப்படும் என கழகத்தின் தேர்தல் வாக்குறுதியில் அறிவிக்கப்பட்டுள்ளது. இந்த முக்கிய அறிவிப்பை முன்னிறுத்தி, தமிழ்நாடு முதலமைச்சர் திரு.மு.க.ஸ்டாலின் அவர்களின் நல்லாசியுடன், இன்று கரூர் மாவட்டம் கரூர் ஆண்டாங்கோவில் பகுதியில் தேர்தல் பரப்புரை சிறப்பாக நடைபெற்றது.

இந்த பரப்புரையில், மாண்புமிகு V. செந்தில்பாலாஜி அவர்கள் கலந்து கொண்டு, கரூர் சட்டமன்றத் தொகுதி வெற்றி வேட்பாளர் திரு. ஆசி. எம். தியாகராஜன் அவர்களுக்கு ஆதரவு கோரி பொதுமக்களை சந்தித்தார். தமிழ்நாட்டை உயர்த்தும் வெற்றிச் சின்னமான உதயசூரியன் சின்னத்திற்கு வாக்கு அளிக்குமாறு அவர் உற்சாகமாக வலியுறுத்தினார்.

பரப்புரையின் போது பெண்களின் பொருளாதார முன்னேற்றத்திற்கான திட்டங்கள், சுயதொழில் வாய்ப்புகள் மற்றும் அரசு வழங்கும் நலத்திட்டங்கள் குறித்து விரிவாக விளக்கப்பட்டன. குறிப்பாக, பிணையில்லா கடன் திட்டம் பெண்களுக்கு புதிய தொழில் தொடங்கவும், குடும்பத்தின் வருமானத்தை உயர்த்தவும் முக்கிய பங்காற்றும் எனக் கூறப்பட்டது.

இந்த நிகழ்வில் மதச்சார்பற்ற முற்போக்கு கூட்டணியின் தோழமைக்கட்சிகளின் நிர்வாகிகள், கழக நிர்வாகிகள், உள்ளாட்சி அமைப்பு பிரதிநிதிகள், கழகத் தொண்டர்கள் மற்றும் பொதுமக்கள் பெரும் திரளாக கலந்து கொண்டு உற்சாகத்தை ஏற்படுத்தினர்.

கரூர் பகுதியில் நடைபெற்ற இந்த பரப்புரை, தேர்தல் களத்தில் கூட்டணிக்கான ஆதரவை மேலும் வலுப்படுத்தும் வகையில் அமைந்தது.